January 25, 2022

Tatlo lakip ang duha ka menor-de-edad nga suspek sa paghold-up sa taxi driver sa Lapaz, arestado

Read Time:1 Minute, 3 Second

Iloilo City–Nadakpan sa follow-up operation sang Lapaz police ang tatlo ka suspetsado sa paghold-up sa driver sang GDR taxi sa Lapaz kagab-i.

Na-aresto kaina sang aga ang duha ka menor-de-edad nga magpakaisa nga sanday alyas Ga-Ga kag alyas May-May, lunsay 15 anyos, upod ang ila abyan nga si Careolo De Guzman alyas Bart, 21-anyos. Suno kay PSUPT Allan Macapagal sang Intelligence Section sang ICPO, nakilala nila ang tatlo paagi sa CCTV camera sang isa ka residente sa San Lorenzo Village, Lapaz sa diin nagpadul-ong ang mga suspects.

Narecover sa mga nadakpan ang jungle knife kag pugakang. Detain sa Lapaz Police Station si De Guzman samtang yara sa custody sang DSWD ang duha ka menor-de-edad.

Una na ginpahayag sang taxi driver nga si Edgardo Broñosa, 47-anyos sang Hibao-an, Mandurriao, nga nagsakay halin sa Dungon A, Jaro alas 11:10 kagab-i ang tatlo ka suspects kag nagpadul-ong sa San Lorenzo Subdivision. Nagdeklarar sang hold-up ang mga suspects sa gate pa lang sang subdivision samtang ginatayaan sang kutsilyo kag pugakang ang taxi driver. Nakabato pa si Broñosa apang wala siya sang padaug sa tatlo ka suspetsado kag nakuha ang P3,500 niya nga kita. (AGB)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 700 ka pulis, gindeploy sa kapiestahan sa Jaro
Next post Hepe Sang Mandurriao Police Station, Natalana Magsumiter Sang Complaint Report Sa City Legal Office Sa Pagsulod Sang Menor De Edad Sa Bar Sa Smallville Complex Bisan Curfew Hours