Molo Police Station, nagsugod sang Oplan Tokhang Reloaded sa distrito

Iloilo City–Ginsuguran na sang Molo police ang Oplan Tokhang sa Molo District sa pagpaguna sang hepe nga si Chief Inspector Marlon Valencia.

Suno kay Valencia, anum ka high value target kag street level drug personalities nga wala nakasurrender sa una nga Oplan Tokhang ang target nila. Apang wala bisan isa sa ila ang nakita sang mga pulis nga nagbisita sa ila tagsa ka address.

Ginhangyo ni Valencia ang mga ini nga magsurrender kag magbag-o na. Nag-upod sa Oplan Tokhang si Pastor Agustin Planto sang Jesus Almight Redeemer Church. (AGB)