Public hearing sang LTFRB 6 para sa fare increase petition sang mga transport groups sa syudad, dayon na buwas

Iloilo City —  Dayon ang public hearing sang Land Transportation Franchising and Regulatory Board 6 buwas angut sa saka sa pletehan nga gina-petition sang tatlo ka dalagku nga transport groups sa Iloilo.  Ginkonfirmar ni Iloilo City Loop Alliance of Jeepney Owners and Drivers Association ukon ICLAJODA President Raymundo ‘Boyet’ Parcon nga matabu ang hearing sa opisina sang LTFRB 6 alas-2 buwas sa hapon. Ginahingyo sang mga transport groups nga dugangan sang lima ka pesos kag 50 sentimos ang plete sa regular nga pasahero sa mga public utility jeepneys. Kon ma-aprubahan, mahimo na 12 pesos ang regular fare. Ginrason ni Parcon nga ginakulang ang kita sang mga drivers bangud sa sunod-sunod nga saka sa presyo sang gatong. Magluwas kay Parcon, nagpirma man sa petition sanday ICADA President Nick Dalisay kag CIPJODA President Roju Paguntalan. (JoMaque)