Mga local chief executives sa Iloilo province, 100% nga matambung sa meeting nga ginpatawag ni Presidente Rodrigo Duterte
Iloilo–Sien porsiento nga matambong sa ipatawag nga sinapol ni Presidente Rodrigo Duterte sa Cebu City sa Pebrero 12 ang mga local chief executives sa probinsya sang Iloilo.
Suno kay DILG Provincial Director Teodora Sumagaysay, nagkumpirmar nga matambong ang 42 ka municipal mayors, isa ka city mayor kag si Governor Arthur Ddefensor. Nakahingagaw nga makapa-confirm sang attendance sanday Lambunao Mayor Jason Gonzales kag Guimbal Mayor Oscar Garin.
Sa memorandum nga ginpadala kay DILG 6 Director Anthony Nuyda, wala nabutang ang topiko nga paga-istoryahan sa sinapol.
Sa pinakaulihi nga advisory nga nabaton sang DILG 6, ginpahibalo ni Sumagaysay nga gin-isol sa alas-2:45 sa hapon sa baylo nga ala 1:45 sa hapon ang meeting ni Duterte sa mga local chief executives. Maga-umpisa naman sa ala-1:30 sa hapon ang arrival, registration kag security protocol sa venue. (AGB)