Pagpasabat sa mga empleyado nga ginpahayag involved sa anomaliya sa pagpanagtag sang city gov’t sang mga manok, gin-extend ni Mayor Joe Espinosa

Iloilo City — Ginhatagan sang 10-15 days nga extension ni Mayor Joe Espinosa sa pagsabat sa show cause order ang mga empleyado sang City Hall nga involved sa ginpahayag anomaliya sa pagpanagtag sang mga manok. Suno kay Espinosa, nagpangayo sang extension ang mga empleyado gani ginpasugtan niya bilang kabahin sang due process.

Sa pagpangusisa sang Aksyn Radyo Iloilo, sanday City Agriculturist Romulo Pangantihon, City Veterinarian Tomas Forteza kag GSO supply officer Eduardo Vargas ang nakapasa na sang ila explanation antes ang deadline ukon sang Enero 29.