Dalagita, ginpahayag ginhimuslan sa Miagao

Miagao, Iloilo — Nagreklamo ang 13-anyos nga dalagita sa Miagao nga ginhimuslan siya sang iya 25-anyos nga kasimaryo. Suno kay Chief Inspector Norlan Perante, hepe sang Miagao Police Station, ginsugo ang biktima nga si alyas Nene sang iya iloy nga magbakal sa tinda sang Miagao sang Sabado sang hapon, Pebrero 3. Ginpahayag ginhingyo ang biktima sang suspect nga si alyas Nonoy nga idul-ong siya sa ila balay halin sa tinda. Nagpasugot si Nene apang nakibot siya bangud sa baylo nga idul-ong siya sang suspect gamit ang motorsiklo sa ila balay, nagdiretso sila sa isa ka lugar sa Arevalo kag didto ginpahayag ginhimuslan. Pebrero 4, Domingo sang kaagahon na sang gindul-ong sang suspect ang biktima sa ila balay. Gilayon nga nagpangid ang tagreklamo sa iya ginikanan nga nagreport naman sa pulis. Nadakpan sa follow-up operation ang suspect. Napasaka na ang kaso nga forcible abduction kag sexual harassment batuk sa suspect nga preso subong sa Miagao Police Station. Nagpamalibad si Nonoy nga magpa-interview.  (JoMaque)