17-anyos nga lalaki sa Estancia, gintudlo nagpangawat sang madamo nga pakete sang sigarilyo kag kwarta

Estancia, Iloilo–Ginkustodiya sang Municipal Social Welfare and Development Office ang 17-anyos nga lalaki nga gintudlo nagpangawat sang madamo nga pakete sang sigarilyo kag kwarta sa sari-sari store sa Estancia.

Suno sa Estancia police, ginguba ni alyas Nonoy ang sliding door kag mayor nga pwertahan sang tiangge. Ginpahayag sang tag-iya nga nabatyagan niya man nga nagtaghol ang ido sang kaagahon apang wala niya ginsapak.

Natukiban nga 53 ka pakete sang sigarilyo nga nagabalor sang 18 mil 250 pesos kag masobra singko mil pesos nga cash ang nadula sa sari-sari store. (AGB)