18-anyos nga Senior high School student sang WVSU, ginkoronahan bilang Miss Paraw Regatta 2018

Iloilo City — Ginkoronahan ang 18-anyos nga senior high school student sang West Visayas State University bilang Miss Paraw Regatta 2018. Nagpasalamat si Keziah Bartolome sang Villa San Lorenzo, Lapaz sa tanan nga nagpati kag nagsuporta sa iya ilabe na sa iya pamilya, team kag supporters. Suno kay Bartolome, wala siya nagpaabot nga madala sa top 10 kag ginkakibot gid sang ginkoronahan siya.

First-runner up si Janeen Dale Geroso, 20 anyos kag 2nd year Biology student sang Central Philippine University; 2nd runner-up ang 17-anyos nga si Irynne Jo Vilches, senior high school student sa Guimaras State University.

Sa mga minor awards, nakuha ni Jascha Angela Arengo ang Best in Talent; Best in Festival Costume si Christy Mova kag Best in Swimsuit si Janeen Dale Geroso. Nagpangibabaw naman si Ma. Christine Sabano sa interview samtang Best in Evening Gown si Kheshapornam Ramachandran. (JoMaque)