January 23, 2022

Ilongga OFW sa Riyadh nga nagreklamo wala ginapakaun kag ginasweldohan sang iya amo, indi na macontact sang iya pamilya

Read Time:1 Minute, 2 Second

Tigbauan, Iloilo — (Update) Nagakabalaka ang pamilya Taghap kag Teves sa Brgy. Napnapan Norte, Tigbauan sa sitwasyon sang ila himata nga naga-obra sa Riyadh bangud indi na siya macontact kag wala naman nakacontact sa ila sugod kaina sang aga.

Suno kay Jessie Taghap Baylosis, utod sang OFW nga si Jona TaghapTeves, 30-anyos, nakatext pa sa ila kagab-i ang utod kag naghingyo nga maistorya sa iya kabataan.

Ginpabutyagni Jona suno sa utod nga si Ma. Lourdes Taghap nga wala man siya gihapon ginpakaun sang iya mga amo.

Una na nagreklamo si Jona nga halos duha na ka semana nga wala siya ginhatagan pagkaun sang mga amo kag anum ka bulan na nga wala nasweldohan.

Nagpangayo na sang bulig si Jona sa iya agency apang wala siya gihapon narescue.

Ginpahayag ni Overseas Filipino Workers Administration ukon OWWA VI Spokesperson Jack Arroyo nga ginpalab-ot na niya ang concern kay Venus Abad nga Asst. Labor Attache sa Riyadh.

Natalana dal-on si Jona sang iya agency sa embahada sang Pilipinas suno kay Arroyo apang sa Huwebes pa, Pebrero 22.

Nagapanawagan ang pamilya ni Jona sa gobyerno nga gilayon nga irescue ang ila himata.

Si Jona ang may apat ka kabataan. Nagapang-ayag naman sa suba ang iya bana. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Professor sang CPU, nagreklamo nga ginhaboy sang plastic bottled water sang team manager sang Neg. Occ sa WVRAA 2018
Next post WVRAA Update: Over medal tally as of 5:00PM, Feb. 20, 2018