January 25, 2022

23-anyos nga mangunguma sa Calinog, patay matapos natiruhan

Read Time:40 Second

Calinog, Iloilo–Patay ang 23-anyos nga mangunguma sang gintiro sang kasubong nga mangunguma sa Brgy. Toyungan, Calinog.

Suno kay Senior Inspector Jose Nemias Pamplona, hepe sang Calinog Police Station, una nga ginsulong sang biktima nga si Kennith Casiple ang balay sang suspect nga si Jevin Camarig, 44-anyos.

Temporaryo nga naga-istar sa balay sang suspect ang personnel sang Department of Environment and Natural Resources ukon DENR VI nga nagapa-athag sa barangay angut sa pagdumili sa kaingin. Base sa imbestigasyon, ginkomprontar sang biktima ang personnel sang DENR angut sa pag-kaingin.

Nagsulod sa balay ang DENR personnel apang ginpahayag nga ginlagas siya kag gintuyo lab-on sang biktima gani gintiro ini sang suspect.

Gindala pa sa ospital si Casiple apang napatay bangud sang dughan. Nagsurrender sa Calinog police si Camarig. (AGB)

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Tokhang surrenderer, patay sa buy bust operation sa Antique
Next post (UPDATE) Mga nasunugan sa Arevalo, nagapangayo sang bulig