(UPDATE) Mga nasunugan sa Arevalo, nagapangayo sang bulig
Iloilo City–Nagpangayo sang bulig ang punong barangay sang Calaparan, Arevalo para sa 75 ka pamilya nga nasunugan sa Zone 12.
Suno kay Punong Barangay Cecilia Nava, kinahanglan gid sang mga nasunugan ang mga gamit pangkusina pareho sang kaldero, pinggan, kutsara, tinidor kag iban pa. Dugang niya, kinahanglan man sang mga apektado ang banig, habol kag mosquitero.
Pwede man suno kay Nava nga magdonar sang underwear bangud wala gid sang may nasalbar nga mga gamit ang kalabanan sa mga nasunugan.
Mahimo nga madala ang ihatag nga bulig sa barangay hall sang Calaparan suno sa punong barangay.
Temporaryo nga nagatenir ang mga nasunugan sa covered gym sang barangay. (AGB)