Ginabanta P10-million nga balor sang mga alahas, nadula sa pagpangransak sang jewelry store sa City Proper

Iloilo City–Ginabanta sa 10 milyones pesos nga balor sang mga alahas kag masobra P70, 000 nga cash ang nadula sang gin-ransack ang jewelry store sa sulod sang Gaisano Mall sa Guanco Street, City Proper kahapon sang kaagahon.

Suno kay Vanessa Tabingo, sales assistant sang Aljun Jewelry Store, gintundaan na lang sila sang security guard sang natabu sang pag-duty nila. Ginn-ubos gid suno sa iya sang mga suspects ang tanan nga alahas kag cash nga yara sa vault.

Sa initial nga imbestigasyon sang scene of the crimes operatives (SOCO), nag-agi sa atop sa 4^th floor sang mall ang mga suspects.       Ginlukat sang mga suspects ang vault nga natapik sa dingding kag gindala sa grocery section sang mall kag ginbuksan.

Wala pa nahibaluan kon ano ang gingamit sang mga suspects sa pagbukas sang vault bangud wala sang may narecover sa lugar.

Ginapatihan tatlo ka mga suspects sa pagpang-ransak. (AGB)