Kick-off activities sang Fire Prevention Month, ginsuguran na
Iloilo City — Ginsuguran sang Bureau of Fire Protection ang pag-obserbar sang Fire Prevention Month paagi sa Unity Fire Free Walk kaina sang kaagahon.
Lakip man sa mga aktibidad subong nga aga ang motorcade bilang pagpahibalo sa mga pumuluyo nga maghalong agud makalikaw sa sunog. May hiwaton man nga misa alas 7 subong nga aga.
Sa Marso 6 naman hiwaton ang blood letting activity, Art Contest kag Bike for a Cause.
Ginpahanumdom ni Fire Chief Inspector Christopher Regencia, City Fire Marshal, ang publiko nga maghalong agud makalikaw sa kahalitan sang sunog.
Ang subong nga Fire Prevention Month may tema nga LIGTAS NA PILIPINAS, ANG ATING HANGAD, PAG-IINGAT SA SUNOG SA SARILI IPATUPAD. (JoMaque)