Amay Ginreklamo Nga Naglugos Sa Iya Tatlo Ka Mga Bata Nga Lunsay Menor De Edad Sa Passi City ; 14-Anyos Nga Biktima Kumpirmado Nga Nagabusong

Passi City – Ginreklamo ang amay nga naglugos sa tatlo niya ka mga bata nga lunsay menor de edad sa Passi City.

Ginkunfirma ni PO3 Anna Bermejo sang Women ang Children’s Protection Desk sang Passi City Police Station nga ginpasakaan sang rape ang 49-anyos nga amay nga barangay tanod man sa ila barangay.

Nadiskubrehan ang krimen matapos ginpamangkot sang maestra nga si alyas maam X ang 13-anyos nga biktima angut sa sitwasyon sang iya 14-anyos nga magulang bangud masami nga naga-absent.

Ginbuyagyag sang 13-anyos suno kay Maam X nga ginahimuslan sila sang magulang lakip ang 8 ka tuig nila nga manghod sang ila amay .

Sa kustodiya na sang ila iloy ang mga biktima samtang nagpalagyo ang suspetado.

Ang iloy sang mga biktima ang naga-obra bilang kabulig. May lima pa ka mga utod ang mga biktima.

Ginkunfirma naman sang barangay kagawad sa diin nagapuyo ang mga natungdan nga positibo nga nagabusong ang 14-anyos base sa resulta sang ultrasound.