Former Lambunao Mayor Reynor Gonzales kag incumbent Vice Mayor Cesar Gonzales, ginsuspend sang Ombudsman
Iloilo — Ginsuspend sang Ombudsman si Lambunao former mayor Reynor Gonzales kag incumbent vice mayor Cesar Gonzales sang siyam ka bulan.
Suno kay Department of Interior and Local Government Provincial Director Teod Sumagaysay, ginserbe na sa mga natungdan ang suspension order sang Marso 1.
Nag-ugat ang reklamo suno kay Sumagaysay sa notice of disallowance nga gin-issue sang Commission on Audit batuk kanday Reynor kag Cesar.
Base sa COA annual report sang 2014, ginhatagan sang travel allowance ang mga nasambit nga mga officials bisan may nakadesignar nga government vehicle sa ila.
Naglab-ot sa Php 90, 000 ang notice of disallowance kay Reynor samtang Php 83, 880 naman kay Cesar.
Nakabayad lang sang partial payment si Reynor suno sa DILG provincial director. Wala naman ginsettle ni Vice Mayor Gonzales ang amo nga balor.
Si Reynor ang municipal administrator subong sa Lambunao. (JoMaque)