January 27, 2022

Coal Fired Powerplant Sa Concepcion Ginreklamo Sang Mga Pumuluyo ; Abo Halin Sa Planta Ginpahayag Nagatap-ok Sa Mga Pamalay

Read Time:1 Minute, 19 Second

Concepcion, Iloilo — Madugay na nga ginareklamo sang mga residente malapit sa coal-fired power plant sa Sitio Puntales, Barangay Nipa, Concepcion ang abo halin sa planta.

Suno kay Mrs. Thelma Brillantes, halin sa ng 2015, makapila ka beses na sila nga nagapalab-ut sang reklamo sa sang Palm Concepcion Power Corportation. Nagapamati man suno sa iya ang tagdumalahan kag nagaplastar sang mga dapat himuon pareho sang pagbutang sang pino nga net sa planta apang nagaguwa gihapon ang abo ilabe pa kon mabaskug ang huyop sang hangin.

Apektado na suno kay Brillantes ang ikaayong lawas sang pila ka residente bangud sa paghaklo sang abo. Ginahingyo sang mga residente nga baklon na lang sang PCPC ang ila balay kag duta agud makasaylo sila sa mas luwas nga lugar.

22 ka pamilya ang apektado suno kay Brillantes.

Nanindugan naman ang tagdumalahan sang PCPC nga wala nila ginapabay-an ang mga reklamo sang mga residente sa lugar natuhoy sa abo nga nagaguwa halin sa coal-fired power plant.

Suno kay Mr. Noel Dorego, environmental staff sang PCPC, naghimo sila sang mga tikang agud malikawan ang paguwa sang abo sa planta. Sila man ang nagagasto sa pagpa-ospital sang mga residente nga nagalain ang pamatyag. Apang may tiun suno sa iya nga nagaguwa ang abo ilabe na kon amihan nga mabaskug ang huyop sang hangin.

Nagareklamo ang mga residente sa palibot sang planta bangud nagahigku ang ila balay sa abo kag nagalain ang pamatyag sa paghaklu sini. Naghingyo ang mga residente nga baklon na lang ang ila balay kag duta agud makasaylo sila sa safe nga lugar.

(att)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pagpasar Sang Ordinansa Nga Magapina Sa Mga Madakpan Nagapausot Sang Cellphone Sa Iloilo City District Jail Sa Ungka, Jaro Suportado Sang BJMP VI
Next post Duha ka Ilonggo seafarers, missing sa sunog sa Maersk Honam; isa pa ka Ilonggo, luwas suno sa kompaniya