TATLO LAKIP ANG MENOR DE EDAD NADAKPAN SA BUY BUST OPERATION SA PAVIA ; 64 KA SACHETS SANG SUSPECTED SHABU NAKUHA SA MGA NADAKPAN
Pavia, Iloilo — 64 ka sachets sang suspected shabu ang narecover sa tatlo lakip ang menor de edad matapos nadakpan sa buy bust operation sa subdivision sa Brgy. Hibao-an, Pavia kagab-i.
Ginkilala ang subject kay Mary Mae Avelino, 35-anyos kag pumuluyo sang Brgy. Cubay, Jaro.
Nadakpan man sa drug operation kanday Melbert Domanillo, 25-anyos sang Brgy. Desamparados, Jaro kag alyas Jojo, 16-anyos sang Brgy. San Isidro, Jaro.
Ginpahayag ni Avelino nga ginsugo siya ni Messy Gregori nga magbaligya sang illegal nga druga.
Si Gregori ang bata ni Bakhaw, Mandurriao Punong Barangay Remia Prevendido-Gregori, ang utod ni the late PDEA identified drug group leader Richard Prevendido.
Ginbuyagyag ni Avelino nga nakahatag siya sadto sang kwarta nga kita niya sa pagbaligya sang ginapatihan illegal nga druga kay Punong Barangay Gregori.
Preso sa Pavia Police Station sanday Avelino kag Domanillo samtang sa kustodiya sang DSWD si Jojo.
(ATT)