6 arestado sa drug bust operation sa Arevalo; Subject nga drug surrenderer, nakapalagyo
Arevalo, Iloilo City — Anum ang arestado sa drug buy bust operation sa Sto. Niño Arevalo alas 6:30 kagab-i.
Nakapalagyo sa operation ang subject nga si Redentor Mosquera alyas Red, 33 anyos sang Brgy. Calaparan, Arevalo kag nataban ang buy bust money nga P3,000.
Suno kay P02 Leonard Aquiatan sang Arevalo Police Station, nadakpan ang mga upod ni Mosquera nga ginpahayag nagserbi nga runner nga sanday John Michael Dinson , 22 anyos sang Brgy. Katilingban Molo nga nakuhaan 3 ka sachets sang suspected shabu kag ginapatihan upod sa transaksyon; Catherine Alegrado, 27, kag Kristel Hirario, 32, lunsay sang Bakhaw Mandurriao.
Tatlo pa gid ang arestado nga ginpahayag manugbakal sang illegal drugs.
Nadakpan sa sulod sang kuwarto sa isa ka beach resort sa Brgy. Sto. Niño Norte sanday Ranguillyn Cepeda, 27 anyos sang Antique; Justine Montero, 23, sang Brgy. San Miguel, Jordan, Guimaras; Meg Lorraine Yusay, 21 sang Brgy. Navais, Mandurriao. (JoMaque)