Update: Babaye nga nadakpan sa buy bust operation sa Pavia, nagbaliskad sa una nga pahayag nga naga-ulamid kay Bakhaw, Mandurriao PB Remia Prevendido-Gregori sa illegal drugs

Pavia, Iloilo–Nagahilibiun nga ginligwat ni Mary Mae Avelino ang una nga pahayag nga naga-ulamid kay Bakhaw, Punong Barangay Remia Prevendido-Gregori kag bata sini nga si Messy Gregori sa illegal drugs.

Sa latest interview kay Avelino nga nadakpan sa buy bust operation sa Jibao-an, Pavia sang nagligad nga semana, ginpahayag ni Avelino nga napilitan siya mag-ulamid sa barangay kapitan. Ginrason sini nga ginhambalan siya sang nagdakup sa iya nga buy-an siya kon imitlang ang ngalan ni Gregori kag sang bata sini.

Nagsorry man si Avelino sa barangay kapitan kag sa pamilya sini.

Kahapon, ginpanginwala ni Punong Barangay Gregori nga drug personality siya kag nakabaton sang kwarta halin sa pagbaligya sang illegal drugs santu man sa una nga pahayag ni Avelino. Ginhangkat man ni Gregori si Avelino nga pamatud-an ang iya alegasyon bangud masobra isa ka tuig na nga wala nagapauli sa Bakhaw ang iya bata nga si Messy. (AGB)