Amay Ni The Late Joanna Demafelis Nagpadulong Na Sa Opisina Ni Senador Manny Pacquiao

Sara, Iloilo — Nakapadulong na sa opisina ni Senator Manny Pacquiao ang amay ni Ilongga OFW Joanna Demafelis.

Gin-confirmar ni Ferraris, Sara Barangay Kagawad Pablo Demafelis nga nakakadto ang iya utod nga si Crisanto sa opisina sang senador. Wala sang ideya ang kagawad kon ano ang na-istoryahan.

Apang base sa press release sang opisina ni Pacquiao, nagpasalamat ang ginikanan ni Joanna matapos nabaton ang tseke balor 380 mil pesos nga gamiton agud magawad na sang pamilya ang tatlo ka ektarya nila nga humayan.

Sang damlag lang, nagfile sang resolution si Pacquiao agud imbestigaran ang mga kamatayon sang mga OFWs ilabe na ang mga gindeploy sa Middle East. Nasapwan ang bangkay ni Demafelis sa sulod sang freezer sa abandonado nga apartment sa Kuwait sang Pebrero 9 makaligad ang isa ka tuig sang gindeklarar siya nga missing.

Nadakpan naman ang mag-asawa sini nga amo nga primary suspects sa pagpatay sa OFW.

(ATT)