Local Government Unit sang Malay, Aklan, wala na sang mahimo kon dayunon ang pagpasirado sang Boracay

Malay, Aklan — Wala sang mahimo ang local government unit sang Malay, Aklan kundi batunon kon madayon ang rekomendasyon nga siraduhan sa turismo ang Boracay.

Reaksyon ini ni Island Administrator Rowen Aguirre sa rekomedasyon sang inter-agency task force nga siraduhan ang Boracay agud i-rehabilitate. Makaluluoy suno kay Aguirre ang ordinaryo nga mga empleyado nga nagasalig sang pang-adlaw-adlaw nga kita sa pagtrabaho sa isla.

Ginabanta ni Aguirre sa 19 mil ka empleyado ang nakarehistro sa ila apang posible linibo pa nga wala nahistro ang nagatrabaho sa Boracay.  Nagalaum si Aguirre nga may plano ang gobyerno para sa mga empleyado nga ma-apektuhan sang tikang. (JoMaque)