OFW nga taga-Janiuay, nangayo sang bulig bangud sa ginpahayag pagmaltrato kag indi pagsweldo sang iya amo sa Saudi Arabia

Janiuay, Iloilo–Nagdangup sa Aksyon Radyo Iloilo ang utod kag iloy ni Jowena Mallo, ang 26 anyos nga OFW nga tumandok sang Brgy. Mangil, Janiuay nga nagreklamo nga wala ginaswelduhan, ginamaltrato kag ginapahog pa nga luguson sang bata sang iya amo sa Dammam, Saudi Arabia.

Suno sa manghod nga si Angie Mallo, Disyembre 2016 sang nagkadtu sa Saudi ang iya magulang agud magtrabaho bilang domestic helper.

Ginpahayag ni Angie nga nakasugid sa iya si Jowena nga indi na ini kaagwanta sa kapintas sang iya amo ilabe na kon sukton niya sa delayed niya nga sweldo.

Ginsugid ni Jowena nga ginatampa siya sang iya ama kag ginapahog nga may malain nga matabu kon manugid siya sa iya agency.

May tiun man suno kay Angie nga ginapakitaan si Jowena sang kinatawo sang bata sang iya amo. Apat na ka bulan suno kay Angie nga wala ginswelduhan si Jowena gani nagpanugid ini nga luyag na niya nga magpauli.

Napalab-ot na sang pamilya sa Overseas Workers Welfare Administration ang sitwasyon ni Jowena sang Marso 19 apang ginhambalan sila sang personnel nga magbalik pagkaligad ang tatlo ka adlaw. (AGB)