UPDATE: Senior citizen sa syudad, nagalaum nga masolusyunan ang reklamo sang mga deserving apang wala nalakip sa Social Pension Program sang DSWD

Iloilo City–Palapit-lapit sa presidente sang asosasyon sang senior citizens, coordinator kag barangay kapitan ang pagpa-enroll sa Social Pension Program sang DSWD.

Pahayag ini ni alyas Mors, senior citizen sa isa ka barangay sa syudad. Suno kay Mors, madamo nga tigulang ang nagareklamo bangud wala gid nalakip ang ila pangalan sa listahan sang mga benepisaryo sa sulod na sang tatlo ka tuig.

Nagapasalamat si Mors kon mahatagan na sang solution ang mga reklamo kasunod sang pagsulod sang DSWD sang guidelines kag memorandum nga kakason ang mga senior citizens nga wala nakasulod..

Base sa guidelines, maka-avail sang social pension nga P500 kada bulan ang mga senior citizens nga naga-edad 60-anyos pasaka; mahina, nagamasakit ukon may disability; wala sang regular income ukon suporta halin sa pamilya kag mga himata; kag wala sang ginabaton nga pension halin sa pribado ukon government institutions pareho sang SSS kag GSIS. (AGB)