Councilors Candice Tupas kag Reyland Hervias, naghatag sang reaksyon sa DILG opinion nga wala sang authority ang city council nga maghatag sang franchise sa tubig
Iloilo City – Indi dapat pagpasakaan sang kaso ang mga city councilors nga nagpabor sa paghatag sang franchise sa South Balibago Water Resources, Inc. sang 2016 suno kay Councilor Candice Tupas. Ginrason ni Tupas nga ginakabig nga yara sa state of calamity ang Jaro bangud wala sang tubig kag nagsandig man ang konseho sa legalidad bangud nangayo sila sang legal opinion.
Suno naman kay Councilor Reyland Hervias, nagpirma siya sa ordinansa nga naghatag sang franchise sa water distributor sa pagdumdom nga wala sang problema bangud nakahimo sila sang public hearing. Handa si Hervias nga mag-atubang kon kasuhan sila. (JoMaque)