1 patay 4 pilason sa pagpangluthang sang suldado sa Maasin

Maasin, Iloilo — Isa patay kag 4 ang pilason sa pagpangluthang sang suldado sa Brgy. Panalian Maasin alas 4:15 kahapon sang kaagahon.

Suno kay Senior Inspector Felix Allanza Jr sang Maasin Police Station, nasal-an nga kontra ni Panalian Detachment Commander Staff Sergeant Alvin Estorco ang mga kaupod nga miembro sang Citizen Armed Force Geographical Unit ukon CAFGU.

Natabu ang insidente samtang nagapauli halin sa pagbantay sa baylehan sa Barangay Ubian ang mga biktima.

Hubog si Estorco sang natabu ang pagpangtiro suno kay Allanza.

Dead-on-arrival sa Ramon Tabiana Memorial District Hospital si Albert Magarse, 28-anyos sang Barangay Panalian

Pilason naman  sanday Aljun Magarse 24 anyos; Micheal Magarse, 22; Juan Magarse, 55,  lunsay residente sang Brgy. Panalian kag Jorge Calibayan sang San Miguel.

Yara na sa custody sang Maasin police si Estorco matapos ginturn over sang iya battallion commander dala ang iya issued firearm.

Natalana pasakaan sang kaso si Estorco. (JoMaque)