January 27, 2022

3 ka tuig nga bata, na-comatose matapos nakasagaid sa tricycle ang ginasakyan nga motorsiklo; ginikanan, pilason man

Read Time:57 Second

Leganes, Iloilo — Na-comatose ang tatlo ka tuig nga bata nga lalaki matapos nakasagaid ang ginsakyan nga motorsiklo sa tricycle sa Brgy. Cagamutan Norte kahapon sang aga.

Suno kay PO2 Emmanuel Maude, imbestigador sa Leganes Police Station, kritikal ang kondisyon ni alyas Angelo bangud sang pilas sa ulo.

Padayon nga ginabulong sa West Visayas State University Medical Center si Angelo.

Gindala man sa ospital ang iloy ni Angelo nga si Ma. Hazel Belvis, 22-anyos sang Brgy. Sta. Rita, Anilao nga may pilas sa nagkalain lain nga parte sang iya lawas kag nagreklamo sang pagpalanakit sang lawas.

Angkas ang mag-iloy sa motorsiklo nga ginamaneho ni Arnel Belvis, 25-anyos, bana ni Hazel.

May pilas man sa nagkalain lain nga parte sang iya lawas si Arnel.

Ma-overtake kuntani ang motorsiklo sa tricycle nga ginamaneho ni Jonard Patagaytay, 31-anyos sang Brgy. Cagamutan Norte, Leganes suno kay Maude apang nakasaga-id kag nadisgrasya.

Halin sa Anilao kag pakadto sa syudad ang motorsiko samtang halin naman sa Zarraga kag pakadto sa Brgy. Cagamutan Norte, Leganes ang tricycle sang nagluntad ang insidente.

Preso sa Leganes Police Station ang driver sang tricycle. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post (UPDATE) Duha sa apat ka CAFGU members nga napilasan sa pagpangtiro sang soldado sa Maasin, nakaguwa na sa ospital; asawa sang napatay nga CAFGU member, desidido nga magpasaka sang kaso
Next post BJMP personnel nga malutsan sang kontrabando, dapat may salabton man kon mapasar ang ordinansa nga nagahatag sang penalidad sa mga dalaw nga magpasulod sang cellphone sa presuhan