Lima, nadakpan sa duha ka separado nga buy bust operation sa Arevalo

Iloilo City–Arestado ang lima ka drug suspects sa duha ka separado nga buybust operation sa Arevalo kaina sang kaagahon.

Una nga nadakpan sa buybust operation las 2:05 sang kaagahon sa Barangay Sto. Niño Norte sanday Zoren Suno, 29, sang Gustilo, Lapaz kag Ray Tebajares, 43, sang Florvel Subdivision sa Oton. Nakuha sa ila ang anum ka sachets sang suspected shabu kag P600 nga buybust money.

Dakop man ang parokyano nga si Ehdo Opano sang Gustilo Lapaz nga nakuhaan sang isa ka sachet sang suspected shabu.

Las 2:50 sang kaagahon, nadakpan man sa operation sa Quezon, Arevalo sanday Leo Guyaban, 63, sang Quezon Arevalo kag Jonathan Barte, 35, sang Bonifacio, Arevalo. Nakuha sa ila ang siyam ka sachets sang suspected shabu kag isa ka libo ka pesos nga buybust money.

Ginpahayag sang police nga mga newly-identified drug personalities ang mga nadakpan. (AGB)