PRO 6, naga-apelar sa publiko nga magkooperar sa kapulisan para makalikaw sa disgrasya subong nga semana santa

Camp Delgado, Iloilo City–Nag-apelar ang Police Regional Office 6 sa publiko nga magkooperar sa kapulisan sa ila pagpamalandong kag pagbiyahe sa semana santa.

Suno kay PRO 6 spokesperson PSUPT Gilbert Gorero, likawan ang pagdala sang mga malahalon nga pagkabutang agud indi makahaylo sang mga kawatan.

Ginpahanumdom man sini sa mga may salakyan nga maghalong kag siguraduhon nga yara sa kondisyon ang salakyan antes magbiyahe.

Siguraduhon suno sa iya nga nakakandado ang balay ukon itugyan sa masaligan nga tawo para indi makawatan.

Ginpanugyan man ni Gorero nga likawan ang pag-post sa social media sang ila lokasyon kag mga aktibidad. (AGB)