16-anyos nga lalaki, nadunot ang wala nga tiil matapos natup-an sang parte sang crane sa gina-obra nga building sa Mandurriao

Iloilo City–Nadunot ang wala nga tiil sang 16-anyos nga lalaki matapos natup-an sang parte sang crane nga nahulog halin sa gina-obra nga building sang SM Strata sa Bolilao, Mandurriao kahapon sang hapon.

May impormasyon nga main hook sang crane nga nahulog halin sa ibabaw sang building ang nagtupa sa tiil ni alyas Sam sang Bolilao, Mandurriao.

Padayon nga ginabulong sa Iloilo Doctor’s Hospital si alyas Sam kag nagpasalig ang contractor nga abagahon ang gaslastuhon sa ospital.

Temporaryo naman nga gindumilian ang paglabay sang mga tawo sa natabuan sang insidente. (AGB)