Mag-amay, gintiro sang retired police officer; 21-anyos nga bata, patay samtang suspek, nagpalagyo
Mandurriao, Iloilo City – Gindeklarar nga dead-on-arrival sa WVSU Medical Center si Joreen Ariate, 21-anyos sang Bolilao, Mandurriao, bangud sang pilas sang pagkatiro sa dughan, tuo nga kamot kag sulok-sulok.
Padayon nga ginabulong sa ospital ang amay sang napatay nga si Joseph Ariate, 56-anyos, nga may pilas sa tuo nga paa.
At-large ang suspek nga si retired police officer Ariel Acopicop.
Antes ang pagpangtiro, naglabay si Acopicop nga nagasakay sa iya motorsiklo sa dalan nga may mga nagahampang sang basketball. Ginpahayag nga dyutayan lang sini nabungguan ang 18-anyos nga bata ni Joseph gani gintulok siya sang ulihi.
Suno kay Bolilao PB Nenita Joson, may pagbaisay pa nga natabu antes natabu ang pagtiro sa mga biktima sa sulod sang ila balay.
Nacontact ni PCI Juvy Navales, hepe sang Mandurriao Police Station, si Acopicop pero wala pa ini nakasurrender. (JoMaque)