Pag-obserbar sang Semana Santa sa bilog nga probinsya sang Iloilo, nangin malinong suno sa IPPO

Iloilo — Malinong ang Semana Santa sa bilog nga probinsya sang Iloilo.

Suno kay Iloilo Police Provincial Office PIO Ronnie Brillo, wala sang dalagku nga mga insidente nga narecord sa pag-obserbar sang Huwebes kag Biernes Santo.

May nakadeploy man nga mga pulis sa mga matawo nga lugar tubtob subong nga adlaw agud masiguro nga safe nga makabalik sa ila obra ang mga nagbakasyon kag nagpamalandong.

Magluwas sa mga simbahan, may mga pulis man nga ginpalapta sa mga transport terminals kag dalanon. (JoMaque)