Barangay tanod, patay sang ginbuno sang live-in partner sang iya bata nga babaye
Dueñas, Iloilo — Patay ang barangay tanod sang nabun-an sang live-in partner sang iya bata nga babaye sa Brgy. San Isidro, Dueñas.
Napilasan sa tuo nga parte sang lawas si Romeo Malones, 53 anyos sang nasambit nga lugar matapos ginbuno ni Franklin Villanueva, 26 anyos.
Suno kay Senior Inspector Rowena Hobero, chief of police sang Dueñas Police Station, nagsaway ang biktima sa away sang iya bata kag live-in partner sini nga hubog.
Apang naakig ang suspect kag ginlagas ang biktima bitbit ang kutsilyo kag ginbuno.
Nagsurrender ang suspect sang nagresponder ang mga pulis kag naghinulsol sa iya nahimo matapos naumpawan sa kahulugbon.
Kaso nga murder ang posible ipasaka sa suspetsado. (JoMaque)