Sulterito nga nahulugan sang lifting hook sang crane sa tiil halin sa SM Strata building, ginserbihan sang warrant of arrest

Iloilo City — Na-hospital arrest ang 16-anyos nga dispatser nga nahulugan ang tuo nga tiil sang lifting hook sang crane sa gina-obra nga SM Strata building.

Ginkunfirmar ni Chief Inspector Juvy Navales, hepe sang Mandurriao Police Station nga ginserbe las 3 kahapon sang hapon ang warrant of arrest sa kaso nga robbery with force and intimidation batuk kay alyas Sam.

P100,000 ang pyansa para kay Sam suno kay Navales base sa inisyal nga impormasyon. Ginpasaka ang kaso batuk kay Sam sang nagligad nga tuig kag naguwa ang warrant of arrest batuk sa iya sang nagligad nga adlaw.

Natalana maguwa sa ospital si Sam bwas, Abril 3, suno kay Navales kag iturn-over gilayon sa korte nga nag-issue sang warrant of arrest batuk sa iya.

Ginpahayag ni Navales nga madamo na sila nga mga nabaton nga reklamo batuk kay Sam kag kalabanan may kaangtanan sa pagpanumbag kag pagpanghaboy sang bato. (JoMaque)