Isa ka ka police officer 2 nga kahimbon ni PO2 Stephen Magno sa pagbaligya sang illegal nga druga, masunod nga target sang RDEU
Iloilo City — Masunod nga i-subject sa operasyon sang Regional Drug Enforcement Unit ang aktibo nga pulis nga ginpahayag kahimbon ni PO2 Stephen Magno nga nadakpan sa buy bust operation sa Arevalo sang damlag lang.
Suno kay RDEU Team Leader Kennith Bermejo, ang gintumod nga pulis nagaranggo sang PO2 apang wala na sini ginbuyagyag kon diin ang assignment.
Ginpahayag ni Bermejo nga kon indi si Magno ang nagakuha sang drug supply sa Negros agud ibaligya sa Iloilo, ang kaupod sini nga pulis ang nagakuha kag nagarepack sa ila safe house sa Arevalo.
Nagpa-andam naman si Bermejo sa mga involved sa illegal drug activities nga magsurrender bangud may programa man ang Police Regional Office 6 para sa ila. (JoMaque)