Resolution sang suporta kay Congressman Jerry Treñas sa pagpadalagan nga mayor, gindihon sang mga barangay kapitan sa Molo

Iloilo City–Desisyon sang mga punong barangay sa Molo ang pagpasar sang resolution nga nagapakita sang ila suporta kay Congressman Jerry Treñas nga magpadalagan mayor kag pagduso kay Mayor Joe Espinosa nga magpadalagan congressman sa 2019 elections.

Suno kay Liga president kag ex-officio councilor Reyland Hervias, wala sang nag-ayo sa ila nga maghimo sang resolution kundi ginhimo ini sang mga barangay kapitan agud indi maguba ang ila grupo.

Nakadepende na suno kay Hervias kanday Treñas kag Espinosa kon ano ang ila desisyon sa eleksyon.

Nagalaum si Hervias nga masolbar ang ginpahayag konflikto sang duha bangud indi maayo nga nagakontrahanay sila sa pulitika. (AGB)