Consultation kag public hearing sang ERC sa mga reklamo batuk sa PECO, natalana sa Abril 25 kag 26

Iloilo City — Pinal na ang Abril 25 kag 26 nga fetsa sa consultation kag public hearing sang Energy Regulatory Commission sa syudad angut sa mga reklamo batuk sa Panay Electric Company.   Sa impormasyon nga ginpalab-ut sang secretary sang ERC sa konsehal, hiwaton ang consultation kag public hearing halin alas-9 sa aga tubtob alas-5 sa hapon. Suno kay Alim, lima ka hearing officers ang maabot sa syudad.

Sa paghangup ni Alim, unahon ang mga complainants nga may affidavit na kag ginpadal-an sang notice sang ERC nga magtambung sa hearing. Malapit 100 suno kay Alim ang una nga batch nga ipatawag sang ERC base sa ila complaint affidavit nga ginpaagi sa opisina sang konsehal.

Lakip sa mga reklamo batuk sa PECO ang alleged overbilling, billing without reading, erroneous billing kag ginpahayag pagka-arogante sang mga empleyado sang PECO. (JoMaque)