Asawa Sang Retired Police Nga Nagtiro Sa Mag-amay Sa Mandurriao, Nagpanawagan Sa Bana Nga Magsurrender Na

Iloilo City — Nagpanawagan si Mrs. Solidad Acopicop, asawa ni retired SPO1 Ariel Acopicop, sa iya bana nga magsurrender kag atubangon ang ginhimo nga pagtiro sa mag-amay nga Ariate nga ginkapatay sang bata nga si Jorem sang Abril 1.

Suno kay Mrs. Acopicop, luyag sini nga magpauli sa Bolilao, Mandurriao bisan ano pa ang ihambal sang mga tawo. Apang ginakulbaan siya para sa seguridad nila sang iya mga bata kag apo kag nahangpan nga mainit pa ang balatyagon sang ila kasilingan nga napatyan kag napilasan.

Nagapangumusta suno sa iya ang iya bana gamit ang lain-lain nga numero pero wala sila naka-istoryahanay kag wala man nagasabat sa iya pamangkot kon diin ini nagkadto pagkatapos sang natabu.

(ATT)