Backhoe nga naga-obra sang karsada sa Guimbal, ginsunog

Nanga, Guimbal — Ginkomfirmar ni Senior Inspector Antonio Monreal, hepe sang Guimbal Police Station nga ginsunog ang backhoe nga ginapanag-iyahan sang Sargasso Construction & Development Corporation nga ginagamit sa pag-obra sang karsada malapit sa South Park Grill.

Suno kay Monreal, base sa pahayag sang testigo may nakit-an nga riding-in-tandem antes nasunog ang backhoe. May nabilin nga plastic container sa area nga posible ginsudlan sang ginapatihan gasolina.