January 23, 2022

Secretary Sang Molo Association Of Brgy. Captains Nanindugan Nga Nakahibalo Si MOLO ABC President Cirilo Lapascua Sa meeting Sang Mga Kapitan Sang Ginhimo Ang Resolution Nga Nagasuporta Sa Pagpadalagan Ni Congressman Jerry Treñas Sa Pagka-Mayor Sa Masunod Nga Eleksyon

Read Time:41 Second

Molo, Iloilo City — Nakahibalo si Molo Association of Barangay Captains President kag San Pedro, Molo Punong Barangay Cirilo Lapascua sa meeting sang mga barangay kapitan sa distrito sang ginhimo ang resolution nga nagasuporta sa pagpadalagan ni Congressman Jerry Treñas nga mayor.

Suno kay Molo ABC Secretary Edwin Dumio, napadal-an sini sang text message si Lapascua tuhoy sa meeting apang wala naka-abot gani si Liga President kag ex-officio Councilor Reyland Hervias ang nag-preside. Gin-ako naman ni Dumio nga nalipat lang siya magpanas sang pangalan ni Lapascua sa letter head sang ginpaguwa nga resolution.

Ginpahayag ni Dumio nga indi pa kumpleto ang pirma sang mga barangay kapitan gani wala pa nila na-endorso kay Treñas.

Naakig si Lapascua bangud gingamit ang letter head sang asosasyon bisan nga wala siya nakahibalo tuhoy sa meeting.

(AT)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post DOT VI Ginapreparahan Na Ang Mga Madisplace Nga Mga Turista Kon Siraduhan Na Ang Boracay Sa Abril 26
Next post Asawa Sang Retired Police Nga Nagtiro Sa Mag-amay Sa Mandurriao, Nagpanawagan Sa Bana Nga Magsurrender Na