Punong barangay sa Miag-ao, patay sa aksidente

Miag-ao, Iloilo–Patay ang punong barangay sang Barangay Bacolod, Miag-ao sang na-aksidente ang iya nga ginamaneho nga owner-type jeep sa pil-as kahapon.

Napatay si Punong Barangay Rhian Yadas, 34-anyos, bangud sang pilas sa ulo. Pilason naman ang kaupod sini sa salakyan nga si Renato Feo, 48-anyos, kag tatlo ka hinablos sang barangay kapitan nga naga-edad siyam, walo kag anum ka tuig.

Suno kay Chief Inspector Johnny Tumambing, hepe sang Miag-ao Police Station, posible nga indi pa sagad magmaneho si Yadas gani nga nahulog sa pil-as sa kurbada nga parte sang karsada.

Ginpahayag nga wala sang driver’s license ang barangay kapitan. (AGB)