Construction worker, dakup sa drug buy bust operation

Iloilo City–Dakup ang construction worker nga nagabaligya man sang isda sa buy bust operation sang Police Station 1 Drug Enforcement Unit kaina.

Ginkilala ang nadakpan kay Bernard Paampag alyas Dingdong, 44 anyos sang Tanza Esperanza, City Proper. Nakuha sa iya ang pito ka sachets sang suspected shabu kag narecover ang 600 pesos nga buy bust money.

Nanginwala si Paampag nga nagabaligya siya sang illegal drugs apang gin-ako nga nakagamit siya sang una sang shabu.

Suno naman ni Supt. Jonathan Pablito, hepe sang Police Station, isa ka bulan nila nga gin-surveillance ang subject antes gin-operate.

Gina-imbestigaran pa kon diin nagakuha sang supply si Paampag. (AGB)