Filing sang Certificate of Candidacy sang mga kandidato para sa BSKE 2018, nagsugod na subong nga adlaw

Iloilo City — Bukas na ang mga opisina sang Commission on Elections agud magbaton sang certificate of candidacy sa mga makandidato sa Barangay kag Sangguniang Kabataan elections.

Nagsugod subong nga adlaw ang filing sang certificate of candidacy kag magatakup sa Abril 20. Suno kay Comelec 6 Director Dennis Ausan, magabaton sila sang COC halin alas-8 sa aga tubtob alas-5 sa hapon.

Gin-isa-isa naman ni Ausan ang mga qualifications para sa barangay and SK elections. Dapat ang kandidato ang Filipino citizen, residente sang barangay sa sulod sang isa ka tuig antes ang election day, makabasa kag makasulat sang Filipino, English ukon local language.

Para naman sa SK, dapat ang kandidato naga-edad sang 18 tubtob 24 anyos sa adlaw sang election kag indi related sa incumbent officials nga tubtob sa second civil degree ang relasyon. Makaboto para sa SK ang naga-edad sang 15 tubtob 30-anyos. (JoMaque)