Bana sa Calinog, ginpa-aresto sang iya asawa bangud sa pagpanakit kag pagtaya sang pusil

Calinog, Iloilo–Ginpa-aresto sang asawa ang iya bana bangud sa pagsakit kag pagtaya sa iya sang shotgun kon mahubog sa Calinog.

Suno kay Chief Inspector Jose Nemias Pamplona, hepe sang Calinog Police Station, magluwas sa asawa, ginatampuyong kag ginasumbag man ni alyas Niloy, 41 anyos ang iya mga bata.

Ginpahayag nga ginakuha man sini ang kuwarta nga kita sa ila talamnan kag ginabakal sang ilimnon.

Nagpangayo na sang bulig sa mga pulis ang asawa nga si alyas Jingjng, 33 anyos bangud indi na maka-agwanta sa kapintas kag pagka-iresponsable sang iya bana. (AGB)