Trisikad driver, patay matapos nabungguan sang pick-up nga ginamaneho sang SB member sa Dumangas

Dumangas, Iloilo–Patay ang trisikad driver nga nabungguan sang pick-up nga ginamaneho sang Sangguniang Bayan Member sa Dumangas kagab-i.

Ginkilala ang biktima kay Estelito Juanillo, 50 anyos sang PD Monfort South, Dumangas. Gindala pa ini sa Western Visayas Medical Center apang napatay kaina sang kaagahon.

Magapangatubang naman sang kaso nga reckless imprudence resulting to homicide si SB Member Ian Joel Dolendo sang PD Monfort North, Dumangas.

Suno kay Chief Inspector Rene Obregon, hepe sang Dumangas Police Station, nagasundanay ang trisikad kag pick-up sang natabu ang aksidente. Ginpahayag ni Obregon nga naka-inom ang SB member. (AGB)