Truck driver, nagreklamo nga ginkawatan sang cellphone kag wallet sang commercial sex worker
Iloilo City – Nagreklamo ang truck driver nga ginkawatan sang cellphone kag wallet sang gin-transaksyon nga commercial sex worker sa Arevalo kagab-i.
Sa reklamo ni alyas Roel, 34 anyos sang Cebu, gintransaksyon niya si alyas Scarlet sa balor nga 800 pesos nga serbisyo.
Nag-check in ang duha sa isa ka beach resort sa Arevalo. Matapos ang pagpangalipay, natulugan ang driver kag sang nakabugtaw natalupangdan sini nga ginakuha ni Scarlet ang iya cellphone nga nagabalor sang P7,000 kag wallet nga naga-unod sang P4,200.
Wala gilayon nalagas ni Roel ang babaye bangud nga hublas siya. Naghingagaw sa pag-soksok sang bayo ang lalaki kag nagreklamo sa Arevalo Police Station.
Nadakpan sa follow-up operation si Scarlet apang wala na nabalik ang cellphone kag wallet ni Roel. Ginpasakaan sang kaso nga theft ang commercial sex worker.
(JoMaque)