PECO, nagpasalig nga indi gilayon mang-utod sang linya sang konsumedor nga may reklamo
Iloilo City–Nagpasalig ang Panay Electric Company nga indi mag-utod sa linya sang kuryente sang konsumidor nga may reklamo may kaangtanan sa overbilling sa kondisyon nga bayaran ang current bill.
Suno kay Engr. Randy Pastolero, vice president for operations sang PECO, kinahanglan anay nga may resolution ukon maghisugot ang konsumidor kag distribution utility may kaangtanan sa reklamo.
Kinahanglan man pamati-an sang Energy Regulatory Commission ang bahin sang konsumidor kag PECO.
Ginpahayag ni Patolero nga kun makita-an nga wala sang balasehan ang reklamo sang konsumidor, utdon nila ang linya. Apang kun klaro nga may problema, indi man ini pagdayunon. (AGB)