ASOSASYON SANG MGA GRAIN RATAILERS SA PROBINSYA GINREKLAMO ANG NFA
Province of Iloilo — Nagreklamo ang asosasyon sang mga grain retailers sa probinsya sa ginpahayag indi alalangay nga treatment sang provincial office sang National Food Authority.
Suno kay Mr. Romeo Samulde, Abril 18 sang aga sang nagkuha ang apat nila ka retailers sang bugas sa NFA Iloilo apang isa lang ang nahatagan sang 20 ka saku.
Ginrason suno sa iya sang NFA nga wala na sang bugas.
Apang may impormasyon nga nakalab-ut kay Samulde nga tatlo ka retailers sang lain nga asosasyon ang nagkuha man sang bugas pagkahapon sang amo nga fetsa kag ginhatagan sang tag-50 ka saku kada isa.
May ebidensya suno kay Samulde ang ila grupo kon ano nga truck ang ginkargahan sang bugas. Dugang niya, sa likod nga gate nag-agi ang truck kag indi sa main gate.
Nagsulat ang grupo ni Samulde sa NFA regional office agud ipalab-ut ang ila reklamo.
Ginakuhaan pa sang Aksyon Radyo Iloilo sang bahin ang NFA.
(ATT)