Stand-up comedian, nadakpan sa drug buy bust operation sa City Proper

Iloilo City–Naaresto sa drug buy bust operation kagab-i sa Brgy. Tanza Bonifacio, City proper si Edmel Emboltura, 24 anyos sang nasambit nga lugar kag nagatrabaho bilang stand-up comedian.

Nakuhaan si Emboltura sang siyam ka sachets sang suspected shabu kag 600 pesos nga buy bust money.

Todo sa pagpanginwala si Emboltura nga nagabaligya siya sang illegal drugs apang gin-ako nga drug user siya.

Suno kay Supt. Jonathan Pablito, hepe sang Police Station 1, ginakabig ang arestado nga newly-identified drug personality indi lang sa City Proper kundi pati man sang Regional Drug Enforcement Unit. (AGB)