(UPDATE) Comelec 6, nagpahanumdom nga non-partisan ang Barangay kag SK elections

Iloilo City–Nagpahanumdom ang Commission on Elections ukon COMELEC 6 sa mga kandidato sa Barangay kag Sangguniang Kabataan elections sa Mayo 14 nga ginadumili ang pagpangayo sang suporta sa pagtib-ong sa ila kandidatura.

Suno kay COMELEC 6 Director Atty. Dennis Ausan, non-partisan ang barangay elections.

Ginadumilian man suno kay Ausan ang pag-endorso ukon pagbulig sa anuman nga pamaagi sang mga political parties sa kandidato.

Ginapreparahan na sang komitiba ang campaign period nga natalana sa Mayo 4 tubtob 12.

Naga-coordinate naman ang COMELEC sa Philippine National Police kag Armed Forces of the Philippines para masiguro ang security sa eleksyon. (AGB)