January 23, 2022

Suspek sa brutal nga pagpatay sa mag-amay sa Silay City, Negros Occidental, nadakpan; Iloy sang ginpatay nga bata, kahimbon sang suspek suno sa police

Read Time:1 Minute, 2 Second

Silay City, Negros Occidental – (UPDATE) Nadakpan sa follow-up operation ang suspek sa brutal nga pagpatay sa 63-anyos nga amay kag bata sini nga babaye nga pito ka tuig, sa Hacienda Pula Kuartel, Barangay Kapitan Ramon.

Ginkilala ni PSUPT Noel Polines, hepe sang Silay City Police Station, ang suspek kay Arnel Aguilar, 29-anyos. Nadakpan si Aguilar matapos gintudlo sang nagsungka nga si Rogelia Landao, 44-anyos nga anay live-in partner sang napatay nga si Antonio Padua kag iloy sang pito ka tuig nga si Reann Padua.

Suno kay Landao, ginplanuhan nila ni Aguilar nga iya umagad nga kawatan lang kuntani si Antonio sang Abril 23 nga birthday man sang iya bata nga si Reann. Apang nakibot na lang siya sang ginbuno ni Aguilar si Antonio.

Suno pa kay Landao, nagdalagan siya kag nanago sa kasagingan bangud sang kahadlok.

Ginpahayag sini nga nabatian niya nga nagsinggit pa si Reann sang “mama.” Naagahan sa kasagingan si Landao tubtob nagpangayo sang bulig.

Nanginwala naman si Aguilar nga siya ang nagpatay sa mag-amay.

Nasapwan kahapon sang kaagahon sanday Antonio kag Reann nga sunog ang pila ka parte sang lawas kag may mga pilas sang pagkabuno.

Preso sa Silay City Police Station sanday Aguilar kag Landao. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Labandera, nadakpan sa buy bust operation
Next post Boracay, ginsiraduhan na sa turista sugod alas 12:01 kaina sang kaagahon